Home
દેશ-વિદેશ
વંદે ભારત એક્સપ્રેસની ઝપેટમાં આવી જતા 3 લોકોના દર્દનાક મોત, એક ગંભીર

વંદે ભારત એક્સપ્રેસની ઝપેટમાં આવી જતા 3 લોકોના દર્દનાક મોત, એક ગંભીર

09:35 PM September 19, 2025 Gujju News Channel

અહેવાલો અનુસાર મૃતકો હરનૌત પોલીસ સ્ટેશન વિસ્તારના તારા પાર ગામના રહેવાસી હતા. તેઓ આજે તેમની દિકરીનું શગુન (ભેટ) લઈને ગોપીતા જઈ રહ્યા હતા ત્યારે મેકરા મામરાખા ગામ નજીક આ ઘટના બની

બિહારની રાજધાની પટના નજીકના મામરખા બાડ સ્ટેશન પર એક મોટી દુર્ઘટના બની. હરનૌતથી ગોપકિતા ગામ જઈ રહેલા એક જ પરિવારના ત્રણ સભ્યો વંદે ભારત એક્સપ્રેસ ટ્રેનની અડફેટે આવી ગયા અને તેમના મોત થયા. આ ઘટનામાં એક વ્યક્તિ ગંભીર રીતે ઇજાગ્રસ્ત પણ થઇ, જેને પટણાના પીએમસીએચમાં રિફર કરવામાં આવી છે. મૃતકોમાં જીતો માંઝી, પ્રીતલાલ માંઝી અને ગોવિંદ માંઝીનો સમાવેશ થાય છે.

► મૃતકો હરનૌત પોલીસ સ્ટેશન વિસ્તારના રહેવાસી

અહેવાલો અનુસાર મૃતકો હરનૌત પોલીસ સ્ટેશન વિસ્તારના તારા પાર ગામના રહેવાસી હતા. તેઓ આજે તેમની દિકરીનું શગુન (ભેટ) લઈને ગોપીતા જઈ રહ્યા હતા ત્યારે મેકરા મામરાખા ગામ નજીક આ ઘટના બની. ત્રણેય મૃતદેહોને પાંડરક જાહેર આરોગ્ય કેન્દ્રમાં રાખવામાં આવ્યા છે.

► રેલ્વે ટ્રેક ક્રોસ કરતી વખતે બંને બાજુથી ટ્રેનો આવતા અકસ્માત

રેલ્વે પોલીસ ઘટનાસ્થળે પહોંચી છે અને આ મામલાની તપાસ કરી રહી છે. સ્થાનિકોના જણાવ્યા અનુસાર, રેલ્વે ટ્રેક ક્રોસ કરતી વખતે બંને બાજુથી ટ્રેનો આવી ગઈ, જેના કારણે આ અકસ્માત થયો. અહેવાલ છે કે જ્યારે વિક્રમશિલા અપ ટ્રેન મોકામાથી પટના જઈ રહી હતી, ત્યારે વંદે ભારત ટ્રેન ડાઉન ટ્રેક પરથી પસાર થઈ રહી હતી.